नागरिकता सिफारिस तथा पञ्जिकरण सम्बन्धी अभिमुखीकरण कार्यक्रम नीलकण्ठमा सम्पन्न

धादिङ,१५ मंसिर
नीलकण्ठ नगरपालिकाका जनप्रतिनिधि तथा कर्मचारीहरुको लागि आयोजित एक दिन नागरिकता सिफारिस तथा पञ्जिकरण सम्बन्धी अभिमुखीकरण कार्यक्रम शुक्रबार सम्पन्न भएको छ ।जिल्ला प्रशाासन कार्यालय धादिङको आयोजनामा सम्मन्न भएको अभिमुखीकरण कार्यक्रममा नीलकण्ठ नगरपालिका भित्रका वडा अध्यक्ष,वडा सचिव र कर्मचारीहरुको सहभागिता रहेको थियो । प्रमुख जिल्ला अधिकारी बद्रीनाथ गैह्रेको अध्यक्षतामा सम्पन्न भएको कार्यक्रममा नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यता रहेको थियो । कार्यक्रममा सहायक प्रमुख जिल्ला अधिकारी हुमनाथ पराजुली,नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी र प्रहरी प्रमुख गौतम मिश्रको आतिथ्यता रहेको थियो । कार्यक्रमको सहजीकरण प्रमुख जिल्ला अधिकारी बद्रिनाथ गौरेले गर्नु भएको थियो ।

सहजीकरण गर्नुहुदै प्रमुख जिल्ला अधिकारी गैह्रेले जिल्लाको १३ वटै स्थानीय तहमा उक्त कार्यक्रम सन्चालन गरिने बताउनुभयो । उहाँले स्थानिय तह र जिल्ला प्रशासन कार्यालय बिचको समन्वय कसरी गर्ने, व्यक्तिगत घट्ना दर्तामा सहज पुर्याउने,विपद् जोखिम न्युनीकरण तथा विपद व्यवस्थापन सम्बन्धी सहकार्य कसरी गर्र्ने,शान्ति सुरक्षा तथा अपराध न्युनीकरणमा समन्वय तथा सहकार्य गर्ने र सेवा प्रवाहको सम्बनधमा हुने दुविधा न्युनीकण कसरी गर्ने भन्ने विषयमा सहजीकण गर्नुभएको थियो ।