पाल्पा सामरी भञ्ज्याङ माविमा भोली बाघचाल,गट्टा र डण्डी बियो खेल हुदै,६० कटेका बिच प्रतिस्पर्धा हुने

धादिङ,२३ पुस 
नीलकण्ठ नगरपालिका वडा नं ९ मा रहेको पाल्पा सामरी भञ्ज्याङ माध्यामिक विद्यालयमा बाघचाल, गट्टा र डण्डी बियो खेल हुने भएको छ । शिक्षा विज्ञान तथा प्रविधि मन्त्रालय, युनेस्कोको निमित्त नेपाल राष्ट्रिय आयोगको आयोजना तथा विद्यालयको समन्वयमा भोलि पुस २४ गते बाघचाल, गट्टा र डण्डी बियो खेल हुने भएको हो।संस्कृति सम्पदा संरक्षण तथा परम्परागत खेलकुद प्रवद्र्धन गर्ने उद्धेश्यले खेल आयोजना गरिएको विद्यालयका प्रधानाध्यापक नरहरी लम्सालले जानकारी दिनुभयो । लोक खेलहरुलाई पुस्ता हस्तान्तरण गर्ने उदेश्यले आयोजना गरीएको प्रतयोगितामा ६० बर्ष कटेकाहरुले मात्र सहभागी हुन पाउनेछन् ।

डण्डी वियो प्रतियोगितामा ५/५ जना गरी १० जनाको २ टिम दर्ता भएको छ । यसैगरी बाघचाल प्रतियोगितामा ४ जनाको एक टिम दर्ता भएको छ भने गट्टा खेलमा महिलाहरु ४ जना बिच प्रतिस्पर्धा हुने लम्सालले नीलकण्ठ एफएमलाई जानकारी दिनुभयो । भोली बिहान ११ बजदेखी सुरु हुने प्रतियोगितामा सहभागी हुनको लागि विद्यालयले सबैलाई आग्रह गरेको छ । प्रतियोगितमा प्रथम,द्धितीय,तृतीय र सान्त्वना हुनेहरुलाई प्रमाण पत्र दोसल्ला सहित क्रमस दुई हजार पाँच सय, दुई हजार, एक हजार पाँच सय र एक हजार रुपैँयाले पुरस्कृत गरिने छ । धादिङको नीलकण्ठ नगरपालिका वडा नम्बर ९ स्थित सामरी भज्यांग माविमा नेपालमै पहिलो पटक बाघचाल, गट्टा र डण्डी बियो खेल प्रतियोगितात्मक रुपमा खेलाईन लागिएको हो ।