आज विश्व क्यान्सर दिवसः चिल्ड्रेनपार्क आवासीय माविमा नाटक प्रदर्शनी

धादिङ,२१ माघ
विश्व क्यान्सर दिवसको अवसरमा आज चिल्ड्रेनपार्क आवासीय माध्यमिक विद्यालयमा नाटक प्रदर्शनी गरीएको छ । क्यान्सर रोगको बारेमा जानकारी गराउने र क्यान्सर रोग लाग्नबाट बच्ने उपायको बारेमा विद्यार्थीहरुलाई जानकारी गराउने उदेश्यले नाटक प्रदर्शनी गरीएको विद्यालयका प्रिन्सिपल षष्टि कुमार श्रेष्ठले जानकारी दिनुभयो । कक्षा ६,७ र ८ का विद्यार्थीहरुले धुम्रपान,मद्यपान र सुर्तीजन्य पदार्थबाट हुने क्यान्सरको विषयमा नाटक प्रदर्शनी गरेका थिए ।

सानै उमेरदेखी बालबालिकाहरु धुम्रपानको कुलतमा लाग्ने गरेको र यसले क्यान्सरको जोखिम बढाएको भन्दै विद्यार्थीहरुलाई सचेतना गर्नको लागि छोटो नाटक पदर्शनी गरीएको श्रेष्ठले नीलकण्ठ एफएमलाई जानकारी दिनुभदयो ।धुम्रपानले हुने फोक्सोको क्यान्सरको विषयमा नाटकबाट सेचता गरीएको थियो ।क्यान्सर रोग लाग्न नदिनको लागि खानपानमा ध्यान दिन,व्यायम गर्न,धुम्रपान,मद्यपान नगर्न ,सुर्तीजन्य पदार्थको सेवन नगर्नको लागि नाटकबाट सन्देश दिईएको विद्यालय संयोजक शशि अर्यालले जानकारी दिनुभयो । विद्यालय तहबाटै क्यान्सर रोगको विषयमा जानकारी दिन सकिए रोगबाट बचाउन सकिने भन्दै विद्यालयले विभिन्न दिवसहरुमा सचेतना कार्यक्रम सन्चालन गर्दै आईरहेको अर्यालले बताउनुभयो ।

हरेक वर्ष फ्रेवुअरी ४ तारिखमा यो दिवस मनाउने गरिन्छ।यस वर्ष ‘बढ्दैछ चुनौती क्यान्सरको, पहुँच बढाऔँ स्याहारको’ भन्ने नारा तय गरिएको छ। जीवनशैली र खानपिनमा आएको परिवर्तन, धूमपान, मद्यपान, मोटोपनालगायतका कारण नेपालमा क्यान्सर रोगका बिरामी अत्यधिक बढ्न थालेका छन्।नेपालमा बर्सेनि क्यान्सरका २० देखि ३० हजार नयाँ रोगी थपिने गरेको छ। तीमध्ये १२ देखि १८ हजारको मृत्यु सोही वर्ष हुने गरेको छ। नेपालमा प्रत्येक दिन ४० जना नेपालीको क्यान्सर रोगका कारण मृत्यु हुने गरेको छ।मध्यपान तथा सुर्तीजन्य पदार्थको प्रयोग नै क्यान्सर रोगको प्रमुख कारण रहेको छ। क्यान्सर नसर्ने रोग हो। क्यान्सरबाट बच्न सुर्तीजन्य पदार्थको सेवन नगर्ने, शारिरिक ब्यायम नियमित गर्ने र खानपानमा ध्यान दिनुपर्ने चिकित्सको सुझाव छ।