धादिङको गुम्दीमा पाँच दिने स्यानेटरी प्याड बनाउने तालिम सम्पन्न

धादिङ,२२ बैशाख
धादिङको गंगाजमुना गाउँपालिका वडा नम्बर ३ गुम्दीमा पाँच दिने स्यानेटरी प्याड बनाउने तालिम सम्पन्न भएको छ । वडा नम्बर ३ को आयोजनामा सम्पन्न भएको तालिममा वडा भित्रका ५१ जनाको सहभागिता रहेको थियो ।स्थानीय उत्पादनलाई प्रविधिमैत्री गर्दै विभिन्न प्रकारका वस्तुहरुको उत्पादन गर्ने तथा महिलाहरुलाइ उद्यमशिल बनाउने उद्देश्यले तालिम सन्चालन गरीएको वडा नम्बर ३ का वडा अध्यक्ष राजकुमार गुरुङले जानकारी दिनुभयो ।

सरसफाईमा सहज बनाउने र स्थानीय स्तरमा रहेका उत्पादनहरुलाई बहु उपयोगि बनाउन तथा आयआर्जनको बाटो खुल्याइ महिलालाइ स्वर्निभर बनाउने प्रयास हरेको बताउनुभयो । घरमै रहेको पुराना तथा सफा कपडाबाट स्यानेटरी प्याड बनाउन सकिने गुरुङले नीलकण्ठ एफएमलाई बताउनुभयो । महिलाहरुको लागि अनिवार्य आवश्यकता रहेको स्यानेटरी प्याड बजारबाट किन्नुपर्दा आर्थिक भार थपिएकोले गाउँमै प्याड बनाउने तालिम दिईएको बताउनुभयो ।

वडा नम्बर ३ का वडा अध्यक्ष राजकुमार गुरुङको अध्यक्षतामा सम्पन्न भएको तालिममा गाउँपालिकाका उपाध्यक्ष रामेश्वर सिंखडाको प्रमुख आतिथ्यता रहेको थियो । कार्यपालिका सदस्य उजेली गुरुङको विशेष आतिथ्यतामा सम्पन्न भएको तालिममा सहभागीहरुलाई प्रमाणपत्र वितरण गरीएको छ।