विषय शिक्षकहरुको लागि आयोजित दुई दिने क्षमता विकास तालिम सम्पन्न

धादिङ,१५ जेठ
नीलकण्ठ नगरपालिकाको आयोजनामा सोमबार देखी विषयगत शिक्षकहरुको लागि आयोजना भएको दुई दिने क्षमता विकास तालिम आज सम्पन्न भएको छ । आधारभुत तह गणित,विज्ञान,अग्रेजी विषय शिक्षकहरुका लागि Item Analysis तथा वर्तमान विद्यालय मुल्यांकन सम्बन्धी दुई दिने क्षमता विकास तालिम आज सम्पन्न भएको हो ।नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको अध्यक्षतामा सम्पन्न भएको कार्यक्रममा शिक्षा शाखा प्रमुख प्रकाशदत्त भट्टको आतिथ्यता रहेको थियो।

कार्यक्रममा प्राविधिक सहायक कृष्ण लम्साल,प्रशिक्षकहरु कृष्ण बहादुर राउत,जिजेन्द्र महर्जन र दिपेन्द्र रिजालको आतिथ्यता रहेको थियो। कार्यक्रमलाई सम्बोधन गर्नुहुदै प्रमुख प्रशासकीय अधिकृत पुरुषोत्तम सुवेदीले सिकेको कुरा कक्षा कोठामा लागु गर्नको लागि आग्रह गर्नुभयो। सामुदायिक विद्यालयको शिक्षा सुधार गर्नको लागि सबै मिल्नुपर्ने भन्दै उहाँले आगामी बर्ष सबैभन्दा बढी बजेट शिक्षा क्षेत्रमा बिनियोजन हुन सक्ने बताउनुभयो ।

दुई दिन सम्म सन्चालन भएको तालिममा प्रशिक्षकहरु गणित विषयका कृष्ण बहादुर राउत,विज्ञान विषयका जितेन्द्र महर्जन र अग्रेजी विषयका दिपेन्द्र रिजालले आधारभुत तहको परीक्षा सन्चालनका लागि प्रश्नपत्र निर्माण कसरी गर्ने,वर्तमान विद्यार्थी मुल्यांकन पद्धतिमा क्षमता विकास कसरी गर्ने,विषयगत प्रश्नपत्र निर्माण बृद्धि गर्ने,प्रश्नपत्रमा हुनुपर्र्नेे गुण विकास गर्न मद्धत गर्नु,विशिष्टिकरण तालिका र प्रयोग क्षमता विकास कसरी गर्ने र शिक्षकहरुको दक्षता विकासको विषयमा सहजिकरण गर्नुभएको श्रोत व्यक्ति मेघनाथ कोईरालाले जानकारी दिनुभयो ।