चिल्ड्रेनर्पाक आवासीय माविमा हरितालिका तीजको अवसरमा तहगत नृत्य प्रतियोगिता सम्पन्न,अभिभावक र विद्यार्थी सहितको र्याम्प शो

धादिङ,२१ भदौ
चिल्ड्रेनपार्क आवासीय माध्यमिक विद्यालयमामा हरितालिका तीजको अवसरमा शुभकामना आदान प्रदात तथा तहगत नृत्य प्रतियोगिता सम्पन्न भएको छ ।हिन्दु नेपाली चेलीहरुको महान पर्व हरितालिका तीजको अवसरमा विद्यार्थीहरुलाई शुभकामना आदान प्रदान सँगै तीजको सांस्कृतिक महत्व दर्शाउन र नृत्य प्रतियोगिताको आयोजना गरीएको विद्यालयका प्रिन्सिपल षष्टि कुमार श्रेष्ठले जानकारी दिनुभयो ।विद्यालयका प्रिन्सिपल षष्टि कुमार श्रेष्ठको अध्यक्षतामा सम्पन्न भएको कार्यक्रममा सिपी कलेज व्यवस्थापन समितिका अध्यक्ष शान्त विक्रम बानिँयाको प्रमुख आतिथ्यता रहेको थियो ।

विद्यालयका शिक्षक अभिभावक संघका अध्यक्ष रामकुमार थापाको विशेष आतिथ्यता रहेको कार्यक्रममा विद्यालय संयोजक शशि अर्याल,मावि ईन्चार्ज दिपक रेग्मी लगायतको आतिथ्यता रहेको थियो । प्रतियोगितामा प्रि प्राईमरी देखी कक्षा १२ सम्मका विद्यार्थीहरुले सांस्कृतिक प्रस्तुती प्रस्तुत गर्नुभएको थियो । साथै विद्यालयले पहिलो पटक विद्यार्थी सहित अभिभावहरुको र्याम्प शो गरीएको थियो । अभिभावक र विद्यार्थी बिच एकै रङ्गको पहिरहनमा र्याम्प शो गर्दा विद्यार्थीहरुमा आत्मबल बढ्ने विद्यालयले जनाएको छ ।

यसैगरी प्राईमरीका विद्यार्थीहरुबिच पनि जातिय भेषभुषा सहित र्याम्प शोक सम्पन्न भएको छ । विद्यार्थीहरुलाई जातिय भेषभुषा,संस्कृति,सामाजिक मुल्य र मान्यता सँगै रहनसहनको विषयमा जानकारी गराउने उदेश्यले उक्त कार्यक्रम गरीएको पिन्सिपल श्रेष्ठलेजानकारी दिनुभयो । उक्त शो ले विद्यार्थीहरुमा आत्मियता बढ्ने र संस्कृतिको विषयमा जानकारी पाउने बताउनुभयो ।

यसैगरी तहगत नृत्य प्रतियोगितामा कक्षा ४,५ र ६ कक्षा बिच भएको प्रतियोगितामा कक्षा ६ प्रथम,कक्षा ४ द्धितिय र कक्षा ५ तृतीय भएका छन् । यसैगरी कक्षा ७,८ र ९ कक्षा बिच भएको प्रतियोगितामा कक्षा ९ प्रथम,कक्षा ७ द्धितिय र कक्षा ८ तृतीय हुन सफल भएको छ । र कक्षा ११ र १२ बिच भएको प्रतियोगितामा कक्षा ११ प्रथम भएको छ । प्रतियोगितामा बिजेती कक्षालाई नगद सहित पुरस्कृत गरीएको छ ।यसैगरी विद्यालयको प्रथम परिक्षामा उत्कृष्ट अंक ल्याउने विद्यार्थीहरुलाई पुरस्कार वितरण गरीएको थियो ।