साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या

धादिङ,२२कार्तिक

बैदेशिक रोजगारको सिलसिलामा साउदी गएर सडक दुर्घटनामा मुत्यृ भएका गुरुङको पहिचाहन खुल्न सकेको छैन ।साउदीमा सडक दुर्घटना पछि साउदी अदालतमा मुद्वा परेको र मुद्वा धादिङ ठेगाना भएका गुरुङको पक्षमा फैसला गरेपनी धादिङ जिल्लाको कुन स्थान हो भन्ने पहिचाहन हुन नसकेको कारण प्रक्रियामा सहयोग गर्न अप्ठेरो भएको सुरक्षित आप्रवासन (सामी) कार्यक्रमका कार्यक्रम संयोजन दिनेश दुवाडीले जानकारी दिनुभयो । मृत्यु भएका गुरुङको जिल्ला धादिङमात्र उल्लेख भएकोले समस्या भएको हो ।

साउदीमा मृत्यु भएका रामबहादुर गुरुङको घर धादिङ मात्र खुलेको भन्दै दुवाडीले धादिङको कुन स्थान र घरपरिवार को हो भन्ने खुल्न नसकेको दुवाडीले बताउनुभयो । मृत्यु भएको भन्ने मात्र जानकारी आएको र कहिले उक्त घट्ना भएको भन्ने प्रमाण भेट्टाउन समस्या भएको दुवाडीले बताउनुभयो । साउदी अदालतले गुरुङको पक्षमा फैसला सुनाए पनि क्षतीपुर्तीको लागि गर्नुपर्ने कागजी प्रक्रिया पु¥याउन नसक्दा समस्या भएको आप्रवासी श्रोत केन्द्रका परामर्शकर्ता विनोद ढकालले जानकारी दिनुभयो । ढकालले मृतक गुरुङका परिवारलाई नीलकण्ठ नगरपालिकाद्वारा सन्चालित सुरक्षित आप्रवासन सामी कार्यक्रम अन्तरगत आप्रवासी स्रोत केन्द्रमा सम्पर्क गर्न आग्रह गर्नुभएको छ ।फोटोः गुगल