शिखरिणी कुषि तथा पर्यटन सहकारी संस्था लिमिटेडको चौधौँ बार्षिक साधारण सभा सम्पन्न

धादिङ,१ मंसिर
शिखरिणी कुषि तथा पर्यटन सहकारी संस्था लिमिटेडको चौधौँ बार्षिक साधारण सभा शनिवार धादिङबेसीमा सम्पन्न भएको छ । संस्थाका अध्यक्ष कल्पना अधिकारीको अध्यक्षतामा सम्पन्न भएको साधारण सभामा जिल्ला बचत संघ धादिङका अध्यक्ष नवराज शर्माको प्रमुख आतिथ्यता रहेको थियो । कार्यक्रममा जिल्ला सहकारी संघ धादिङका पुर्व उपाध्यक्ष गगांदत्त तिमल्सिना,सहकारीकर्मी तथा ज्योति सहकारीका अध्यक्ष चमेली काप्री लगायत सन्चाकर्मीहरुको आतिथ्यता रहेको थियो ।

वि.स. २०६६ साल चैत्र २२ गते स्थापना गरीएको संस्थामा हाल ७३१ शेयर सदस्य र २३० जना बाल सदस्य रहेको संस्थाका अध्यक्ष कल्पना अधिकारीले जानकारी दिनुभयो । संस्थाको कुल शेयर पुँजी ३२ लाख ३३ हजार ३ सय,संस्थाका कुल ऋण लगानी २ करोड,१८ लाख २१ हजार ८ सय ४४ रहेको छ । यसैगरी संस्थाको कुल बचत रकम १ करोड ७० लाख ३३ हजार १ सय ५७ रुपँैया रहेको छ।

यसैगरी संस्थाको कुल सम्मत्ति रकम २ करोड ६५ लाख ६१ ह्जार ८ सय ६९ रहेको छ भने संस्थाको ऋण लगानीमा ब्याजदर १४ प्रतिशत,सदस्य बचतामा ब्याजदर ८ प्रतिशत ब्याज र बाल बचतमा ब्याजदर ९ प्रतिशत रहेको छ । संस्थाले कृषि र पर्यटन प्रबद्र्धनको क्षेत्रमा काम गर्दै आईरहेको छ । कार्यक्रमलाई सम्बोधन गर्नुहुदै कार्यक्रममा प्रमुख अतिथी नवराज शर्माले सहकारीका सदस्यहरुलाई सहकारी शिक्षा प्रदान गर्नुपर्ने बताउनुभयो ।सहकारीमा समस्या आउन नदिनको लागी सहकारीको सदस्यहरुनै बढी चनाखो हुनुपर्ने बताउनुभयो ।कार्यक्रममा संस्थाका अध्यक्ष कल्पना अधिकारीले संस्थाको बारेमा जानकारी गराउनुभएको थियो । यसैगरी संस्थाका महासचिव अनिता अधिकारीले प्रगती प्रतिवेदन,कोषाध्यक्ष रिनु तामाङले आर्थिक प्रतिवेदन प्रस्तुत गर्नुभएको थियो ।