माओवादी केन्द्र धादिङले मंसिरमा भित्रै सवै पालिकाको सम्मेलन गर्ने घोषणा, सम्मेलनकै दिन भ्रष्टाचारविरुद्ध खबरदारी सभाको आयोजना

धादिङबेशी । नेकपा माओवादी केन्द्र धादिङले यहि मंसिर भित्रै धादिङको सवै पालिकाको तयारी बैठकका साथै पालिका सम्मेलनको घोषणा गरेको छ । आज आईतबार नेपाल कम्युनिस्ट पार्टी (माओवादी केन्द्र) धादिङ क्षेत्र नं. २ समन्वय समितिको बैठक बसी उक्त क्षेत्रको पालिकाको मिति तय भए संगै जिल्लाको सवै पालिकाको सम्मेलनको तयारी बैठक तथा सम्मेलनको मिति घोषणा भएको हो ।

नेकपा माओवादी केन्द्रको केन्द्रिय सदस्य तथा संघिय क्षेत्र न २ का ईन्चार्ज राम बहादुर भण्डारीको अध्यक्षता तथा केन्द्रिय सदस्य तथा जिल्ला ईन्चार्ज पुष्पबिक्रम मल्लको प्रमुख आतिथ्यता र पार्टीका केन्द्रिय सल्लाहकार वेदनिधि अधिकारी,केन्द्रिय सदस्य शंकर अधिकारी,पार्टीका प्रदेश कमिटिका सह–सचिव दल बहादुर बुर्लाकोटी बिजयको बिशेष उपस्थितिमा बैठक सम्पन्न भएको थियो ।

बैठकले पार्टी केन्द्रको परिपत्रअनुसार मंसिर महिनाभित्र पालिका सम्मेलनलाई सरकारको भ्रष्टाचारविरुद्ध खबरदारी सभाको रूपमा सम्पन्न गर्ने महत्वपुर्ण निर्णय गरेको छ । माओवादी केन्द्र संघिय क्षेत्र नं. २ अन्तरर्गत मंसिर ९ गते रुवी भ्याली गाउँपालिका, मंसिर १२ गते त्रिपुरासुन्दरी गाउँपालिका, मंसिर १३ गते नीलकण्ठ नगरपालिका, मंसिर १४ गते ज्वालामुखी गाउँपालिका,१५ गते नेत्रावती डवजोङ गाउँपालिका, १६ गते खनियाबास गाउँपालिका, २१ गते गंगाजमुना गाउँपालिकाको तयारी बैठक सम्पन्न गर्ने निर्णय गरेको छ ।

त्यसै गरी आज सम्पन्न बैठकले यहि मंसिर २१ गते रुवीभ्याली,मंसिर २३ गते खनियाबास, मंसिर २५ गते त्रिपुरासुन्दरी, मंसिर २७ गते नेत्रावती डवजोङ, मंसिर २८ गते नीलकण्ठ र गंगाजमुना, मंसिर ३० गते ज्वालामुखी गाउँपालिकामा पार्टीको पालिका सम्मेलन सम्पन्न गर्ने निर्णय गरेको छ । बैठकले वडा सम्मेलनहरू सम्पन्न नभएका वडाहरुको पालिका सम्मेलन पुर्व सम्मेलन गरिसक्ने समेत निर्णय गरेको छ ।

त्यसैगरी नेकपा माओवादी केन्द्र संघिय क्षेत्र न १ ले पनि बैठक सम्पन्न गरि पालिका सम्मेनलनको मिति घोषणा गरि सकेको छ । क्षेत्र न १ अन्तरर्गत मंसिर १८ गते धुनीबेशी, २२ गते बेनिघाट रोराङ, मंसिर २४ गते गल्छी, मंसिर २८ गते गजुरी, मंसिर २९ गते सिद्धलेक, मंसिर ३० गते थाक्रेको पालिका सम्मेलन गर्ने घोषणा गरेको छ ।