लैङ्गिक हिंसाले मनमा पर्ने असर व्यवस्थापन गर्न सुनौलाबजारमा अन्तरक्रिया

धादिङ,१७ मंसिर
नीलकण्ठ नगरपालिकाको आयोजनामा वडा नम्बर ६ सुनौला बजारमा लैङ्गिक हिंसाबाट उत्पन्न हुने मनोसामाजिक समस्या व्यवस्थापन गर्न अन्तरक्रिया कार्यक्रम सम्पन्न भएको छ।लैङ्गिक हिंसा विरुद्धको १६ दिने अभियान अन्तरगत सोमबार सुनौला बजारमा लैङ्गिक हिंसाले निम्ताउने मनोसामाजिक समस्या न्युनीकरण गर्न सचेतना कार्यक्रम सम्पन्न भएको हो।नीलकण्ठ नगरपालिका वडा नम्बर ६ का वडा अध्यक्ष भुपेन्द्र कुमार श्रेष्ठको अध्यक्षतामा सम्पन्न भएको कार्यक्रममा नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको प्रमुख आतिथ्यता रहेको थियो ।

कार्यक्रममा वडा सदस्यहरु महिला विकास शाखा अधिकृत उर्मिला थपलिया,वडा भित्रका मावि विद्यालयका प्रधानाध्यापकहरु,सुनौला बजार प्रहरी चौकीका प्रतिनिध,आमा समुहका पदाधिकारी,वित्तीय साक्षरता सहजकर्ता सरस्वती लम्सालको आतिथ्यता रहेको थियो । कार्यक्रममा महिला विकास शाखा अधिकृत उर्मिला थपलियाले लैङ्गिक हिंसा विरुद्धको १६ दिने अभियान,नगरपालिकाले गरीरहेको काम र महिला शसक्तिकरणको लागि भईरहेको कामको विषयमा जानकारी गराउनु भएको थियो ।यसैगरी मनोसामाजिक परामर्शकर्ता रामकुमार थापाले हिंसा भनेको के हो रुहिंसाको प्रकार, हिंसा हुनुको कारण,हिंसाबाट उत्पन्न हुने मनोसामाजिक समस्या र समाधानको विषयमा जानकारी गराउनु भएको थियो ।

कार्यक्रममालाई सम्बोधन गर्नुहुदै नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीले नगरपालिकाले महिला शसक्तिकरणको लागि विभिन्न कार्यक्रम सन्चालन गरीरहेको बताउनुभयो । नगरपालिकाले गाउँ स्तरमा सचेतना फैलाउने उदेश्यले गाउँगाउँमा गएर कार्यक्रम भईरहेको भन्दै उहाँले हिंसाको बारेमा खुलेर कुरागर्नको लागि आग्रह गर्नुभयो । लैंगिक हिंसा न्युनीकरणको लागि घरबाट र आफँैबाट सुरुवात गर्नुपर्ने बताउनुभयो । यसैगरी वडा नम्बर ६ का वडा अध्यक्ष भुपेन्द्र कुमार श्रेष्ठले वडा भित्रका महिलाहरुको क्षमता बृद्धि गर्नको लागि बजेट बिनियोजन गरेर काम भईरहेको बताउनुभयो ।वडा नम्बर ६ लाई समृद्ध बनाउनको लागि महिलाहरुको ठुलो भुमिका रहने भन्दै उहाँले आगामी दिनमा पनि विभिन्न क्षमता मुलक र सिप मुलक कार्यक्रम सन्चालन गरिने वडा अध्यक्ष श्रेष्ठले बताउनुभयो ।