खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
काठमाडौं, १४ चैैत
नेपाली कांग्रेसका सहमहामन्त्री भीष्मराज आङ्देम्बेले स्थानीय तहदेखि नै कांग्रेस बलियाे भएर आउनुपर्ने बताएका छन् । बलियाे हुन स्थानीय निर्वाचनमा गठबन्धन अनिवार्य रहेकाे बताए ।
साेमबार कांग्रेस केन्द्रीय समिति बैठकमा उनले स्थानीय तहमा गठबन्धन गरेर बलियाे पार्टी भए प्रदेश र संघीय निर्वाचनलाई सकारात्मक प्रभाव पार्ने तर्क गरे । बैठकमा उनले भनेका छन्, `गठबन्धन गर्दा कांग्रेस आईकाे हालत हुन्छ भन्ने सुन्छु तर, स्थानीय तहमा गठबन्धन नहुँदा नेमकिपा र जनमाेर्चाकाे जस्ताे हालत हुन्छ । मलाई चिन्ता यहाँनेर छ । आदर्शले रमाइलो त हाेला तर धरातलीय यथार्थ फरक छ । र, म जाेड दिएर भन्छु – स्थानीय तहमा कांग्रेस बलियाे गठबन्धनले हुन्छ र त्यसकाे असर प्रदेश र संघकाे निर्वाचनमा पर्छ ।´
नेकपा विभाजन भएर तीन टुक्रा भएकाे अवस्थामा कांग्रेस एक्लै निर्वाचनमा जानुपर्ने र गठबन्धन गरिए कांग्रेस आईकाे हालत कांग्रेसले व्यहाेर्नुपर्ने केही नेताले भनिरहँदा सहमहामन्त्री आङ्देम्बेकाे याे जवाफ आएकाे हाे ।
शुक्रबारदेखि जारी केन्द्रीय समिति बैठकमा अधिकांश केन्द्रीय सदस्य र पदाधिकारीले निर्वाचनमा गठबन्धन अनिवार्य रहेकाे बताउँदै आएका छन् । कांग्रेसले निर्वाचनमा गठबन्धन गर्दा सत्तारूढ दलहरू नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टीलगायतसँग गर्ने हुन् ।
