खाल्टेमा जारी श्रीमद भागवत सप्ताहको आज पाँचौँ दिन,प्राविधिक विद्यालय स्थापना गर्नको लागि चन्दा संकलन हुदैँ
साउदीमा मृत्यु भएका राम बहादुर गुरुङको धादिङ स्थित ठेगाना खुलेन,क्षतीपुर्तीमा सहजिकरण गर्न समस्या
शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै
शितल छहारी नेपालद्धारा स्वाबलम्बी बहिरा आधारभुत विद्यालयलाई स्कुटर हस्तान्तरण
धादिङबेशी आसपासमा सिमसिम पानी, किसान चिन्तित
नीलकण्ठ–८ रामकोटमा आज पञ्चमी मेला लाग्दै
काठमाडौं, १७ चैत
सावित्रा भण्डारी (साम्बा)को ह्याट्रिकप्रेरित सशस्त्र प्रहरी बलको एपीएफ फुटबल क्लबले बिहीबार राष्ट्रिय महिला लिगमा वालिङ नगरपालिकालाई ७–० अन्तरले पराजित गरेको छ ।
चितवनको सारदानगरमा भएको खेलमा एपीएफलाई जिताउन सावित्राले ह्याट्रिक सहित चार गोल गरिन् । यस्तै अनिता केसी, सरु लिम्बू र अनिता बस्नेतले समान एक/एक गोल गरे ।
एपीएफकी अनिता केसीले २४औं मिनेटमा गोल गर्दै अग्रता दिलाइन् । ४०औं मिनेटमा सरु लिम्बुले टोलीलाई २–० को स्थितीमा पुर्याइन् । खेलको ५२औं र ६६औं मिनेटमा साम्बाले गोल गर्दै एपीएफलाई ४–० को अग्रता दिलाइन् ।
खेलको ७४औं मिनेटमा अनिता बस्नेतले गोल गर्दा आर्मीले ५–० ले अघि बढ्यो । सावित्राले ८०औं ह्याट्रिक पुरा गरिन् भने ८१औं मिनेटमा व्यक्तिगत चौथो तथा टोलीको लागि सातौँ गोल गरिन् ।
लामो समयपछि खेलमा पुनरागमन गरेकी सावित्राले यस सिजनको महिला लिगमा पहिलो ह्याट्रिक गरेकी हुन् । गत संस्करणमा नेपाल पुलिसविरुद्ध खेल्ने क्रममा घुँडामा चोट लागेपछि उनी उपचार र आराममा व्यस्त थिइन् । सावित्राले गत संस्करणमा सात ह्याट्रिकसहित ३८ गोल गरेकी थिइन् ।
यो जितसँगै तीन खेलमा शतप्रतिशत नतिजा निकालेको एपीएफले नौ अंक बनाएको छ र शीर्षस्थानमा छ । समान खेल खेलेको वालिङ अंकविहीन छ ।
जारी दोस्रो खेलमा ललितपुर महानगरपालिका र धनगढी उपमहानगरपालिकाबीच प्रतिस्पर्धा भइरहेको छ ।
